Erkebiskop Vinald og oslobiskop Øystein gir avlatsbrev for Sta. Maria-hospitalet på Hovin i Oslo, 5. mai 1395
Oslos historie © kane.benkestokk.teiste forlag (Tore Hermundsson Vigerust), Oslo 2000-2004. Utgave 06.03 2004. Etter original på pergament i Riksarkivet. Trykt i Diplomatarium Norvegicum III nr. 522.

Vniuersis sancte matris ecclesie filiis presentes literas visuris seu audituris. Vinaldus dei gracia archiepiscopus Nidrosiensis et Augustinus eadem gracia episcopus Asloensis. salutem in omnium saluatore. Quoniam vota Christifidelium ad diuini cultus ampliacionem ac remedium animarum sunt piis exhortacionibus et indulgenciarum fauoribus excitanda. nos de omnipotentis dei misericordia. beatorum apostolorum Petri et Pauli auctoritate et sancte Marie virginis et sanctorum Olaui Haluardi omniumque sanctorum meritis et precibus confidentes. omnibus vere penitentibus et confessis qui ecclesiam hospitalis beate Marie virginis dicti Hoffwinar Asloensis dyocesis in festis infrascriptis videlicet natalis domini cum tribus diebus sequentibus. circumcisionis et epyphanie diebus cene et paraceues vigilia pasche. die *sancto pasche cum tribus sequentibus. quatuor diebus rogacionum ascensionis pentecostes trinitatis. corporis Christi. beati Johannis baptiste. beatorum martirum Olaui. Haluardi. Laurencii Clementis atque Magni et sanctorum in Selio sanctorum confessorum Martini. Nicholai. Gregorii atque Botulphi. beatarum virginum Margarete. Katerine et beatarum Marie Magdalene atque Anne. singulis diebus dominicis per anni circulum. jn vtrisque festis sancte crucis et sancti Michaelis. omnium sanctorum et in omnibus festis apostolorum omnium. in quatuor festiuitatibus beate virginis Marie. et concepcionis eiusdem necnon et in anniuersario dedicacionis ipsius ecclesie. causa deuocionis et cum reuerencia visitauerint annuatim vel qui eidem ecclesie manus porrexerint adiutrices. et quociens ibidem verbum diuinum modo predicacionis fuerit promulgatum. quilibet nostrum quatraginta dies. illis vero qui cimiterium illius ecclesie quociens et quando reuerenter et deuote circuierint legendo pater noster cum salutacione angelica. quilibet nostrum decem dies de iniunctis sibi penitenciis misericorditer in domino auctoritate ordinaria relaxamus. Datum Asloie in profesto sancti Johannis ante portam latinam anno domini mo. ccco. nonagesimo quinto nostris
sub sigillis in testimonium premissorum.

Bagpå med en annen samtidig hånd: Afgifta bref til Hofuinæ spitals.

.